【娱圈新聞】陳敏之未走出喪母陰霾再遭業主收樓 須限時內遷出崩潰痛哭
陳敏之未走出喪母陰霾再遭業主收樓 須限時內遷出崩潰痛哭
陳敏之媽媽年初不幸因病離世，雖然陳敏之已重新工作，但仍不時在社交網表達對媽媽的思念，經常會突然落淚。陳敏之早前為媽媽搞喪禮，並要親手執筆為媽媽寫生平，到最近終於完成亡母的身後事，想不到又收到業主通知指要收樓，她指：「倒數搬家，希望是今年最後的大變動。」
陳敏之最近雖然不時分享工作照，但其實她也經常在Threads表達想念亡母之情，似乎仍未完全走出陰霾，但最近又有事令她煩惱，她透露：「我還有30日便要搬屋，今年喪親，幫媽咪搬屋，將她的東西捐贈，要留的都放入迷你倉，去辦理很多的手續，給她上位安居樂業。 本以為可以唞一唞，跟住收到業主訊息，要收番層樓，我暈了。好！即管放馬過嚟！」陳敏之又認為相信是神的安排，與及媽媽的指引︰「我覺得一切會係好好的，神已經安排好晒，媽媽一定係幫我做緊嘢，佢出唔到聲話俾我聽，但我同佢有心靈感應，佢一定會幫我哋，唔會俾我同子樂受苦，媽媽是我們的守護天使。妳唔使講嘢，我已經開啟了我倆之間的讀心術，我閉上眼睛便可以開啟，妳的心意我懂的」。
陳敏之想念亡母常落淚
倒數搬家在即，陳敏之希望是今年最後的大變動，讓她可以真正的休息一下，「放我一點長假期，心靈還需要醫治。沒那麼快，但已經很快，我相信是因為我的意志力強，但我想真正的休息， 所有嘢都想拋諸腦後，給我好好的想念……放下妳，放下……不是放棄，是放低所有問號和不忿氣，結局已經不能改變，希望能轉化為好嘅角度，有媽媽的像個寶，沒有媽媽的，也要把自己當寶 我愛你們，爸媽！」陳敏之今日又上載一張工作照，見到仍未化好妝的她一臉憔悴，原來她搭的士時聽到電台播一首歌，又令她想起媽咪，因此又在車內痛哭。
之前陳敏之在兩年前播出的TVB節目《樓價有得估》中曾在住所拍片，當時陳敏之剛搬家不久，外景主持黃婧靈（波波）則帶大家參觀陳敏之位於將軍澳舊居的單位，陳敏之笑指希望可為舊居找到好租客：「呢間屋個海景View好靚，當年差唔多500萬買番嚟，而家升值已經去到千幾萬。」有指陳敏之為了兒子才搬家，雷子樂去年就讀K3的一年學費已要逾12萬元，現時則就讀宣道國際學校，陳敏之不時也會在IG晒出新居照片，可見客廳很闊落，放得下按摩椅之餘，還有大梳化，而露台則可看到山景和開揚市景。
黎明澳門開騷大展舞技好跳脫 拋17字金句兼分享人生哲理
黎明（Leon）於澳門舉行10場《「新濠尊屬系列」黎明STAGE ON 8演唱會2024》，昨晚（1日）進行首場演出。身穿黑色西裝look現身的黎明（Leon），以獻唱《如果這是情》打頭陣，可見他身形比去年開騷時更Fit。Leon更以國語祝福在場觀眾有個愉快假期，大家玩得開開心心。
向來唱快歌齋企或坐住身郁郁、揮揮手，唔多跳舞的Leon，獻唱快歌《全日愛》、《火舞艷陽》、《聽身體唱歌》時，照舊跟隨音樂節奏手郁郁，但下盤唔多郁過，跳舞方面都是交由舞蹈員騷舞技，果然係Leon。當晚Leon當然不少得唱國語歌，其中有電影《大城小事》的主題曲《兩個人的煙火》，現場螢光幕亦播放戲中的他與王菲的溫馨片段。Leon更突然化身成「金句王」，他以國語表示五一香港只有一天假期，內地有五天不錯，又祝福大家睡得好、吃個飽、工作愉快、心情好。最驚喜Leon唱快歌《Sugar In The Marmalade》，終於手腳並用跟隨音樂與舞蹈員急步跳幾下，又扮拉小提琴，感覺好跳脫。
演唱會尾聲，大批觀眾走到台前近距離見Leon本尊。Leon又分享人生哲理，表示每個人有困難面對，只要有耐心、冷靜一下就可以過去，隨即唱出《人生遊戲》後，為個唱完美結束。
37歲高海寧公開入院原因！頭部多處有硬塊再現鬼剃頭：死啦，咩事呢？
37歲高海寧去年憑《新聞女王》人氣急升，在內地也越來越受歡迎，現時她更要兩邊飛，北上拍攝內地真人騷《無限超越班》第二季，亦要趕拍TVB新劇《武林》。高海寧上月突在IG限時動態上載一張睡在病床的照片，令人擔心其健康狀況，近日她受訪時就講到病情，更自爆再次有鬼剃頭情況。
高海寧近日回到TVB拍劇，她接受娛樂新聞台訪問時被問到上次入院一事時說：「我好突然㗎，我係拍完《無限超越班》嘅通宵之後第二日，坐飛機返嚟，跟住我就喺度按我條頸啦，咦，乜有粒咁大嘅嘢，因為之前嗰晚都係四點幾先瞓吖嘛，跟住之後咁大粒嘅？硬硬地㗎喎仲要係，嗰陣真係比而家凸好多，跟住就好驚啦。摸落去頭皮呢個位，呢兩忽呢係兩大嚿硬塊，跟住痛喎！然之後㷫㗎成個頭皮，跟住我就死啦，咩事呢？」
高海寧曾兩度鬼剃頭
之後高海寧又被媽咪發現到有鬼剃頭，她說：「我之前試過鬼剃頭兩次，我最近又有咁嘅跡象，咁我知道係壓力，所以其實個心……即係我唔係話好徬徨嘅，但係我知道我要抽時間去醫院Check，咁跟住劇組好好啦，叫我去醫院，即係大家都唔想你有事咁樣，所以就放咗我幾日假去醫院，所以我先有時間入院去Check，Check到出嚟Touch wood唔係嚴重嗰邊嘅可能性已經好好多，但醫生都話要Mon住，咁而家都仲喺度（硬塊），咁可能都需要畀多啲時間，咁醫生就話你最好呢就係可以休息」。
可惜因工作已排得密密麻麻，休息對大忙人高海寧來說似乎有點難度，她指：「幾辛苦工作都好啦，身體都係最重要嘅，我覺得最緊要保持個心情，我係一個好容易緊張同埋焦慮嘅人，特別係當工作咁高強度嘅時候呢，下下都要保持你一百分狀態嘅時候你就會將自己Push到好盡，咁呢樣嘢就會導致我成日好掹緊好大壓力，我覺得我要調節返個心態要放鬆啲。同一時間《無限超越班》嗰邊又拍緊，嗰邊又係好高強度啦，加埋廠景我諗我幾乎連續大半個月都係凌晨四、五點鐘瞓，好多時都係凌晨一點鐘先收工，五點鐘就出發去機場，要咁樣先趕得切飛返香港開工，好多時一落機就要即刻開工，但係享受嘅，從來都未試過咁忙嘅，其實算唔算係Happy problem呢？都算係嘅，但係要調節返自己嘅心情囉。」
高海寧嚇親吳鎮宇袁詠儀
在《無限超越班2》表現備受網民讚賞的高海寧，在最新一集中與內地小鮮肉王鏘談情說愛，二人更在鏡頭前真咀，令導師吳鎮宇及袁詠儀大吃一驚。兩人在河邊閒聊培養感情時，談到擇偶問題，高海寧自爆：「我超級慕強，遇到甚麼問題他能幫我解決，他是個很有思想，很有才華，很有頭腦的人，我是那樣的。」正於室內看他們培養默契的好友佘詩曼即指：「她（高海寧）想要男人一點的感覺，成熟一點。」