【HK March活動推介】倫敦嘅朋友請注意 三月活動好去處（3月4日起）

Hong Kong March集齊多個特色活動，讓大家在英國都可以感受到香港文化的情懷與氣息，快來帶上家人、其他文化背景的朋友一齊參加！了解更多Hong Kong March的活動可按此：hkmarch.uk

📍Hong Kong March開幕禮—文化市集及藝術展覽

開幕禮活動豐富，包括：香港文化體驗攤位、香港特色文化市集、九龍城寨藝術展覽、「淋漓淋浪」藝術展覽，大家可以帶埋其他文化背景嘅朋友嚟邊食、邊玩感受港式情懷嘅活動，同時又可以讓朋友更認識屬於你我嘅香港文化。
日期：4/3/2023 (10:00-16:00)
地點：Pitzhanger Manor & Gallery, Ealing Grn, London W5 5EQ

📍麻雀桌上碰出香港文化

本身喺香港無雀不歡🀄️，嚟度又成日唔夠腳？只要我哋培養更多其他文化背景嘅朋友學識打牌，以後搵腳都冇咁難！由Hongkongers in Britain X Hackney Chinese Community Services聯合舉辦嘅麻雀活動，大家有機會同本地朋友一齊打香港麻雀，係麻雀檯上認識更多本地朋友，同時又透過你嘅力量讓佢哋更認識香港傳統桌遊文化。
日期：18/3/2023 (13:00-17:00)
地點：Hackney Chinese Community Services, 28-32 Ellingfort Road London E8 3PA

📍佐治浪漫：冰室與港式長衫

原來香港都有屬於我哋嘅港式長衫！😻Museum of Hong Kong X Kongfookcheongsam 舉行嘅港式長衫展覽及冰室文化活動，等大家可以透過認識港式長衫，了解更多香港以前嘅歷史文化。現場仲要有冰室文化嘅美食、奶茶試食，將香港冰室嘅文化帶到嚟英國，大家記得帶朋友一齊又食又睇！
日期：19/3/2023 (12:30-19:00)
地點：15 Risborough St, London SE1 0HG

📍香港本色放映會

嚟到英國都要記住屬於香港人嘅歷史，Sutton藝文社將會舉行《香港本色（Black Bauhinia）》放映會。《香港本色（Black Bauhinia）》係一套以香港本土派人士梁天琦及黃台仰為主軸嘅紀錄片，時序從2015年嘅「反水貨運動」開始，以2019年嘅「反修例運動」及後續國安法實施作結，當中貫穿了2016年旺角衝突、立法會選舉、立法會議員DQ風波、以及梁天琦受審入獄等一系列政治事件，記錄香港本土主義係過去幾年間嘅起起跌跌，以及港人身份認同嘅轉變。
日期：11/3/2023 (18:00-20:00)
地點：Trinity Church Sutton, Cheam Rd, Sutton SM1 1DZ

📍小手作 – 細說香港故事

鍾意整小手作嘅朋友唔好錯過啦！由Sutton藝文社主辦嘅工作坊透過製作具香港特色、核心價值嘅印章、模板印刷等，俾大家可以一路玩、一路了解屬於香港嘅故事，了解有關香港嘅文化同價值觀。
日期：4/3/2023 (14:00-16:00)
地點：2/F, Sutton Library, St Nicholas Way, Sutton SM1 1EA

📍歐羅都市耕種遊學團

喺香港冇乜機會接觸農業，歐羅有機農場英國分部 AuLaw Organic Farm UK CIC 就會藉今次活動由農夫帶著大家遊走有「小韓國」之稱嘅New Malden，認識英國嘅都市農業，及了解香港人點樣藉著耕種亞洲菜，貢獻社區同連結各個社群。今次仲要有機會去三個種植區了解唔同嘅耕作形式、場地
設計同當茬作物嘅打理要點，一齊做「一日農夫」親親大自然！
日期：4/3/2023、11/3/2023、18/3/2023、25/3/2023 (10:00-12:00)
地點：New Malden KT3

📍「香港超現實主義」藝術講座

由Hongkongers in Britain (London)邀請咗藝術家〔淋漓淋浪〕，一齊穿梭時空去睇幾百年前嘅藝術故事。透過欣賞唔同大師嘅作品對應香港現況，加上〔淋漓淋浪〕為藝術自由及公義而不得不離開香港嘅心路歷程，除咗可以增值對藝術嘅認識之外，更可能會發現幾百年前的藝術能撫慰2023年嘅你！
日期：18/3/2023 (15:30-17:30)
地點：1 Carol Street, Waterloo, London, UK SE1 7BE

📍香港之源 倫敦探溯

你知唔知以前有咩香港歷史人物曾經喺倫敦留下過足跡👣？三月天氣回暖，最適合大家喺英倫街頭一齊散步。Hong Kong Flâneur將會帶大家遊走倫敦街頭，尋找香港重要歷史人物嘅昔日足跡，追溯香港、英國之間嘅深厚淵源。
日期：25/3/2023
地點： London SE1