字趣談屑 . 6

~ 淖屎阿官, 諷人身體弱, 淖屎, 不正常軟便。

~ 大路 ( 佬 ), 大哥; 細路 ( 佬 ), 弟弟。

~ 睃人沖涼, 睃, 粵音莊, 偷窺也。

~ 竳竳徛 ( 企 ), 鼓勵孾孩站起來之語, 竳, 粵音燈。

~ ( 下中國象棋 ) 象行田, 馬行日, 唔得 ( 不能 ) 尥馬脚, 尥, 粵音撬, 阻住也。

~ 口水䙔, 孾孩圍兜, 䙔, 粵音肩。

~ 背禘, 粵讀咩帶, 孭孾兒之背帶也, 孭, 音咩, 亦背之謂也。

~  正話, 剛剛。 開講有話, 原係講故事䦕場白, 後在嘴邊成了有這麽一說之意。 因果裡頭有一句 …… , 講故事警世結尾語。

~ 悏澌 ( 晒 ) 我意, 正是我的意思, 悏, 粵音俠, 對也, 俗用合。

~ 馬死落地行, 要懂得變通。

~ 周身牙齒印, 仇家甚多, 给人罵衰得厲害。

~ 籐蟮 ( 條 ) 燜 ( 炆 ) 豬肉, 意指以鷄毛掃 ( 撣子 ) 懲罰小孩, 打他小腿, 留下籐痕如蟮。

~ 走不出我手指隙, 逃不掉, 隙, 粵音喇。

~ 伆 ( 甩 ) 鬚, 喻失威, 有云老貓燒鬚。

~ 盦㪠, 蓋密, 粵讀曰妗䧟, Top Top 㪠, 密而無縫。

~ 屎䍇, 昔糞桶, 屎䍇蓋, 常諷人之頭髪, 剪成平蓋狀; 䍇, 俗用塔。

~ 錢缿 ( 罌 ), 俗稱蓄豬, 錢箱也, 缿, 粵音盎; 熨斗, 熨, 粵音燙。

~ 唔 ( 不 ) 怕一萬, 只怕萬一, 只怕是 0.0001 機率, 還是有可能的, 仍要小心謹慎, 不可大意。

~ 二口六面講清楚, 二口, 兩造; 六面, 兩造四面頰, 加上見證人兩面頰。

~ 唔 ( 不 ) 做中 ( 中間人 ), 唔 ( 不 ) 做保 ( 保證人 ), 唔 ( 不) 做媒人三代好。諷做媒多成怨偶之反話。 三代, 高堂父母、夫妻丶子女。

~ 一時唔 ( 不 ) 偷鷄就做保長, 諷人假正經, 稍稍收斂㸃, 就裝成大好人模樣。 保長, 秦朝已有之地方管治保甲制度, 以十户為甲, 十甲為保。宋王安石變法, 再施行此制; 元脫脫、阿魯圖 << 宋史 . 兵志. 六 >> : 「十家為一保, 選主户有幹力者一人為保長。」

~ 好之古字為: 「丑女」、「丑子」, 充滿男女平權意涵。 而古天字則係兲, 趣味之甚。 ( 俱見<< 康熙字典 >>)