清潔地氈有竅門 三大污漬要對症下藥

講到地氈清潔，好多人都會束手無策唔知點入手，特別是昂貴的高級地氈，若直接拿去用水清洗，必然會脫毛脫色得很恐怖，浪費咗張靚地氈！然後好多人乾脆放棄，屋企張地氈放咗成十幾廿年，窩藏了無數病菌塵埃都無清潔張地氈，但呢排疫情下衛生咁重要，都無可能唔清潔一下你張地氈！而家就教大家點樣清潔你屋企的地毯啦！

-切忌經常清洗
地氈若經常清洗會大大影響它的柔軟度、色澤及光澤度，所以平時只要注重除塵就可以，偶爾才需要深層徹底清洗一次。

-切忌長時間暴曬
很多人都會用太陽照射來幫衣物殺菌，並且覺得暴曬時間越長越好，但地氈實在不能長時間暴曬，因為這樣會破壞地氈的色澤及柔軟度。一般建議最多在太陽下曬一至兩小時，而且要選在早上或下午夕陽較溫和的陽光時段曬。若要晾乾剛清洗的地氈，只需要放在陰涼地方自然風乾便可以！

-切忌用強力漂白水去迹清潔
自從專家建議大家用漂白水清潔家具，以去除新冠病毒，好多人都唔理漂白水用法，乜都用佢清潔。但地氈就最忌用漂白水清潔，特別係未經稀釋的強力漂白水，會與地氈產生化學反應導致甩色甚或受到腐蝕。如果真的有必要用到漂白水，應該盡量稀釋才使用！

地氈清潔小技巧

將浸了番梘水的掃帚，掃一次張地氈，再喺地氈撒上鹽掃一次，因鹽有吸附灰塵的作用。

油迹：可用酒精清洗

果汁污漬：可用檸檬汁、番梘或者酒精清洗

雪糕漬：用汽油擦拭