【娱圈新聞】直播靈接觸丨歐陽震華瀕死歷2靈異事件

直播靈接觸丨歐陽震華瀕死歷2靈異事件

梁思浩主持的TVB Plus節目《直播靈接觸》今日播出最後一集，請來有「收視福將」之稱的視帝歐陽震華做嘉賓。歐陽震華一出場即與梁思浩擁抱，又開心與觀眾打招福相。梁思浩更大讚歐陽震華是福神，將他扮財神的照片存放在手機：「新年一定睇，旺自己我實做。」

歐陽震華2013年新年入ICU

歐陽震華2013年大年初二因急性肺炎被送入律敦治醫院深切治療部，當時歐陽震華一度陷入昏迷，病情嚴重，留醫十多日後，歐陽震華終於康復出院。歐陽震華在節目中講述當時情況：「食物倒流，瞓着咗，吞咗入氣管，入咗醫院。」歐陽震華指當時陷入昏迷狀態：「我醒返先知我自己喺邊，先知我自己係咩事，我幾驚係中風，我又插晒喉。」當時醫護人員跟他說：「你講唔到嘢㗎喇，睇下隻手郁唔郁到。」

歐陽震華「吞錯格」：可以致命

當時以歐陽震華以白板與醫護人員溝通，才知道自己食物倒流「吞錯格」，並指：「好多老人家都係咁，肺炎就係因為佢吞錯格，係可以致命。」歐陽震華表示當時復原得好快：「可能我冇做過啲嘢對人唔住，又冇黑心人。」歐陽震華續言：「我昏迷時，某啲時間我心係醒，例如搬我過床、照我瞳孔，嗰啲我係知嘅，其他就乜都唔知，但係有兩個境像到而家都係歷歷在目。」

歐陽震華見「小矮人」交頭接耳

歐陽震華指自己當時昏迷12小時：「我係有top shot（即俯瞰鏡頭）睇到自己睇喺度。」鏡頭大概只有一、兩秒，當時幾位主持人立即顯得相當震驚，梁思浩更直言：「好多人一top shot就走㗎喇。」歐陽震華分享第二個鏡頭：「我覺得好得意，喺我床邊嗰度圍住，有班小矮人，啞黑色，好似啲棋子咁，但係（塊面）平嘅，無眼耳口鼻，喺床嗰度交頭接耳問意見，我覺得好似商量緊啲嘢。」

歐陽震華續指鏡頭只有兩、三秒：「佢哋唔係憂愁、唔係恐怖。之前好多人入咗老，嗰啲牛頭馬面咁，但嗰幾個其實唔係咁㗎喎。我自己之後嘅諗法，佢哋會唔會商量緊『帶唔帶佢走啊』，一個就『唔好，仲有用嘅』，一個就『係啦，佢為觀眾帶嚟咁多生活，畀佢捱下先啦，吞錯格啫，罪不致死。」歐陽震華認為自己仍有價值，因而當時未有被帶走：「有啲人將佢變做牛頭馬面，其實睇你個人心態，人有時自己嚇自己。」

馬國明受湯洛雯影響愛上網購

馬國明以宣傳大使身份到會展出席活動，與太太湯洛雯婚後生活恩愛的他，在台上3度提及愛妻，笑言受她影響而愛上網購，講到話題離不開太太，他笑言以前沒網購習慣，但受太太影響而覺得方便，不需要抽時間行街，「我不是富三代，所以都唔係咁多時間行街。（網購BB用品？）暫時未需要。我鍾意傳統擺設，個人比較老土，會買福祿壽，不過是潮版和卡通版。（買多仔佛？）我阿媽家中有，如果朋友送不會抗拒，不會嫌老土，因為傳統是要保留，例如新年都會派利是。」

馬明以粉藍色西裝現身，他透露除了有太太為他打點外，更有與時裝設計師朋友合作，自嘲過往造型說：「時裝嘢我識條鐵！」問太太除了為他置裝外的工作？馬明大讚太太好犀利：「她會拍廣告，自己在家拍，會有燈光器材，剪片和字幕都是自己搞掂，不需要團隊幫忙。（太太一個人袋曬酬勞？）是呀，將來可以幫我拍廣告，或者可以養埋我！但我是傳統男人，所以都會畀家用，我的錢是屋企錢，她的錢是她的，哈哈！」