《廣府話俚語集》106

吉 祥

唔講得笑  郁親就叫（1）
唔使旨意（2）  抓曬主意
唔聲唔聲  嚇你一驚
唔湯唔水（3）  去尖沙咀
唔使唔該（4）  成只怪胎
唔制得過（5） 真係無錯
唔管咁多  咪噤囉嗦
唔聲唔氣  除褲放屁
唔理好丑  只要就手
唔識架步（6）  成頭雲霧

注釋

（1）郁親就叫 粵語＂郁＂意思為打他、教訓他，開玩笑過了頭，得罪了有頭有臉有地位的大人物，被人教訓，只有痛苦地喊叫了。

（2）唔使旨意 指某人一貫自私自利，或者缺乏辦好某件事情的能力，又或者根本就不想做這件事，諸多推托責任，不能指望靠他去辦這件事情。

（3）唔湯唔水 寓意某件事情並沒有按照預定目標完成，做得很不好，半途而廢！辦事的人得過宜過，事情沒有做好。

（4）唔使唔該 是粵語中很常用的客套禮貌用語，意思是幫助了別人，對方連連道謝，請他不用太客氣。

（5）唔制得過 粵語指做某件事情之前，要衡量利弊，考量好做這件事有無價值，例如某個買賣是否值得做，會不會虧本？損害利益的事情就不要去做。

（6）唔識架步 不認識特別的場所，在香港泛指下九流的地方，例如地下賭檔、賣毒品的場所，還有妓女賣淫的地方，俗稱＂雞竇＂、＂一樓一鳳＂。