雞蛋顏色不同營養有差別？ 食安中心解迷思
雞蛋是常見食材，市面售賣的啡色雞蛋和白色雞蛋，有人認為啡蛋比白蛋更天然、營養更豐富。香港食物安全中心（食安中心）解釋兩者營養沒有大分別，顏色差別基於兩個因素而定。
品種年齡影響蛋殼顏色
食安中心在facebook專頁上指出，蛋殼顏色主要受兩個因素影響：第一是母雞品種，第二是母雞年齡，雞蛋會隨母雞年齡的增長而變大、蛋殼顏色變淺，實際上啡蛋與白蛋的營養價值十分接近。相對於蛋殼的顏色，母雞的飲食和居住環境更能影響雞蛋的營養。
蛋黃深淺色受飼料影響
至於影響蛋黃顏色深淺的原因，食安中心指出是由於雞隻飼料中所含的色素成分不同，如果雞隻進食含較多胡蘿蔔素的飼料例如粟米、紅蘿蔔等，蛋黃顏色就會變深，反之亦然。
【心安食堂 • 唔好「以貌取蛋」】
好多人買雞蛋
嘅時候都會精挑細選，除咗留意蛋殼有無裂，同埋表面有無污跡外，有時仲會「以貌取蛋」，用蛋殼嘅顏色嚟衡量雞蛋嘅營養質素
，究竟呢個方法係咪準確呢
？等 #食安仔 同大家分析吓啦～
啡蛋好定白蛋好？
雞蛋殼嘅顏色主要受雞種嘅影響。除咗遺傳因素，母雞嘅年齡亦會影響蛋殼嘅顏色；好似生啡蛋嘅母雞，隨住年齡增長，佢哋生嘅雞蛋就會大啲同埋蛋殼淺色啲。有人或者會以為啡色蛋殼嘅蛋天然過白色蛋殼嘅蛋，營養更豐富。而事實係，無論雞蛋殼係啡色定白色都好，佢哋嘅營養價值都非常接近。相比起雞蛋殼嘅顏色，母雞嘅飲食同居住環境更會影響到雞蛋嘅營養。
蛋黃顏色點解有深有淺？蛋黃顏色受多個因素影響，其中包括雞隻飼料
含有嘅色素成分。如果雞隻飼料含有較多類胡蘿蔔素（一種天然存在喺植物嘅色素），例如粟米
、或者紅蘿蔔
等，雞隻所產嘅蛋，蛋黃嘅顏色就會加深。食物安全中心 Centre for Food Safety