【專家逐段拆解】爸爸可否不要老 內容真偽

安東尼鶴健士憑住電影《爸爸可否不要老》第2次成為奧斯卡影帝。片中佢飾演一位疑似患有認知障礙 / 失智症嘅病人，演技絲絲入扣，《爸》片再次引起社會對認知障礙症病人嘅關注；到底電影內，對認知障礙症病人嘅描述有幾真？ 我哋就搵嚟賽馬會耆智園首席訓練顧問崔志文博士，拆解《爸》片中對認知障礙症病人嘅描述真與假。

另外我哋仲搵埋註冊藝術（表達藝術）治療師蘇瑞雯，一連幾集探討認知障礙症的症狀、治療方法，以及照顧患者的親友或朋友，如何與患者相處及調節自己的心理狀態。